2006/02/21

一個人的煩惱

昨晚放工累得要命, 趁等車時給妹妹搖個電話. 她說剛開飯, 我聽後即九秒九的上了她家黐餐.
一個人住的最大煩惱便是吃, 由於不想吃太多街外的東西 (阿媽話齋: 味精多, 無益), 我通常都會在家弄點簡單小食, 可是一個人吃的份量不多, 一份食物通常分數餐吃, 而為免過期, 唯有常常連續數天吃同一款東西, 清了再買或開別的.
例如: 我愛罐頭湯 + 方包夾芝士當晚餐 (媽常問我這怎可算一餐), 可是一包麵包通常有六片, 我每餐只吃得下兩片, 便要連吃三天了, 幸好, 罐頭湯可選擇不同的味道.
又或: 雞湯米粉 - 上湯, 當然是史雲生啦, 我通常會開一盒小紙盒裝, 然後分兩餐用, 而我愛吃的新竹米粉, 一包四份, 於是便連續四天吃米粉了. 至於餸料, 無論是菜是肉, 也是要分多天來吃.
還有我最愛的老火湯, 通常弄一鍋, 怎樣也要分四次吃, 於是早餐是它, 晚餐也是它, 連湯料吃下, 兩天也不用煮別的了. 如在假期的時候煮還好, 我可以拿一半給老友的弟弟, 反正老友一家在溫市, 有另一孤家寡人與我分甘同味也好!
有時候, 世事難料, 明明預了回家吃飯, 可是忽然有約, 回家後看到雪櫃裡的菜, 擔心放久了會變壞, 但明知第二晚仍舊有飯局, 為免浪費, 便索性煮了再吃一餐. 吃的時候, 想起自己就像老夫子漫畫中, 那些在外扮食量少, 然後回家吃公仔麵的女子, 總會忍不住笑了起來.
今天剛把雪櫃裡的東西清光了, 待會睡覺前, 又要想想今個星期的餐單了!

3 則留言:

Ruth Tam 說...

That's why I don't really cook at home. I only have very simple food at home: fruit, bread, noodles, soup (slim a soup powder) and bottled water.

梁巔巔 說...

一個人在家的日子, 確係苦過 di di....

我試過食即食麵食到冇晒存貨, 慘!

一個人又冇 mood 整嘢食, 好似死又死唔去, 生又生唔到..... 嗚~~~~~~

http://victorvictor.blogspot.com/2005/12/yum-yum-p.html

愛美 說...

巔巔, 被你引到我流晒口水, 我好耐無食屋企飯啦.
上次有米落肚, 係年初四去朋友家拜年, 吃了三大碗飯, 嚇到佢奶奶眼都大埋! @_@